Da Poidl sitzt ma vis a vis,
fia mi is des a Massl,
und zwischn uns a Flaschl Wei,
a jeda hoit sei Glasl.
Mia dischgarian den Lauf da Wöd
vom Urkneu bis zur Pensi.
Vü weida denk ma daweu net,
die Zukunft – kana kennt sie.
Wos soi no wean, wos zoit si aus
dos ma no aufaungt in dem Lebm?
I man, es reichat eigentli aus
in jedn Moment des Beste z‘ gebm.
Drum sitz ma no a Weu beinaund.
Da Poidl, vis a vis,
füllt ma des Glasl bis zum Raund,
weu des des Beste is.
Manfred Vesely